«Ռոյալ Արմենիա» ՀՁ ՍՊԸ-ն կանաչ սուրճի վերամշակմամբ և փաթեթավորմամբ զբաղվող առաջին ընկերությունն է Հայաստանում:
«Ռոյալ Արմենիա»-ն սուրճի բարձրորակ հումք է ներկրում Բրազիլիայից, Կոլումբիայից, Վիետնամից, Ինդոնեզիայից և այլ երկրներից: 2000 թվականից «Ռոյալ Արմենիա» ՀՁ ՍՊ ընկերությունը սերտիֆիկացվել է ԻՍՕ 9001, իսկ 2012 թվականից` ԻՍՕ 22000 միջազգային ստանդարտների պահանջներով:
Իր ոլորտում Ընկերությունը լավագույններից է, ում արտադրական ողջ գործընթացը համապատասխանում է որակի և սննդամթերքի անվտանգության կառավարման համակարգերի միջզգային և պետական ստանդարտներին (ԻՍՕ 22000 «Սննդամթերքի անվտանգության կառավարման համակարգեր. Սննդամթերքի արտադրության շղթայում ընդգրկված կազմակերպություններին ներկայացվող պահանջներ», HACCP, GMP), ինչպես նաև սննդամթերքի արտադրության շղթայում ընդգրկված կազմակերպություններին ներկայացվող պահանջներին: Ընկերության արտադրանքը համապատասխանում է նաև Մաքսային Միության տարածքում տվյալ արտադրանքի վրա տարածվող բոլոր տեխնիկական չափորոշիչներին:
Ընկերությունը սուրճի բոլոր սիրահարներին առաջարկում է արաբիկա և ռոբուստա տեսակի լավագույն հատիկներից ստացված աղացած սուրճ, բոված հատիկավոր սուրճի լայն տեսականի, 100% բնական լուծվող սուբլիմացված «RA» Պրեմիում և «RA» Գոլդ սուրճեր, լուծվող գրանուլացված սուրճեր TIMEOFF, 3-ը 1-ում լուծվող սրճային ըմպելիքի երեք տեսակ՝ «Կլասիկ», «Փափուկ» և «Թունդ», լուծվող տաք շոկոլադե և մուգ շոկոլադե ըմպելիք, լուծվող թեյեր 4 տարբեր բնական համերով և բույրով՝ դեղձի, կիտրոնի, ազնվամորու և սև հաղարջի, ինչպես նաև աղացած և հատիկավոր սև պղպեղ:
Ընկերության կողմից ներկայացված վերջին նորույթն է Բուչինո Կապուչինո լուծվող սրճային ըմպելիքը 3 համերով` Կլասիկ, Կարամել և + Շոկոլադ: